දරුවෙකුගේ තනිකම අසාමාන්‍ය දෙයක්
සාරාංශය
- ආදරය අඩුවීම , අවධානය අඩුවීම ,කොන් කිරීම ,හිතට කණගාටුවක් ඇති වීම ,තම මූලික අවශ්‍යතා නොලැබීම තමාගේ ප්‍රියයන්ගෙන් වෙන් වීම , (යහළුවන් ,නෑදෑයන් දෙමාපියන් ) වැනි සාධක මෙවන් හැසිරීමක් සදහා බලපාන ප්‍රධානතම සාධකයි .
- යහළුවන්ගෙන් ඇතිවන බලපෑම් ගුරුවරුන්ගෙන් වන බලපෑම් ,දරුවන් අතර ඇතිවන රණ්ඩු ,කොන් කිරීම් ,අපහාස , විහිළු තහළු ද මේ සදහා එකසේ බලපෑම් ඇතිකළ හැකියි .
- කුඩා දරුවන් මෙන්ම ළමාවිය ගත කරන දරුවන් තනිවීමට උත්සහා ගැනීම ඉතාම සැලකිල්ලට ගත යුතු කරුණකි .
හිතට දුකක් ඇති වුණාම මේ ලෝකේ තිබෙන සුන්දරම දේ මොකක්ද ?
නමුත් සාමාන්‍ය ජීවිතයේදී වැඩිහිටියන්ගේ හැගීම් විද දරා ගන්න තනිකම කියන්නේ යහපත් දෙයක් වුණත් දරුවෙකු තනිකමින් කාලය ගත කරනවා නම් එය බැලු බැල්මට යහපත් තත්ත්වයක් නම් වේය නොහැකියි .
තනිවීම මනෝ විද්‍යාත්මක පැහැදිලි කිරීම්
පුද්ගලයෙකු තමන්ට ආවේණික පෞරුෂත්වයක් සමග ජිවත් වේ . ඇතැම් අය සමාජයෙන් කොන් වී හෝ ඉවත් වී තම ජිවිත ගත කරයි . අන් අය සමග වැඩිපුර කථා නොකරයි . අන් අයගේ දේවල් ගැන නොසොයයි . කිසිදු සමාජ ක්‍රියාකාරකමකට සම්බන්ධ නොවේ . අන් අයට කිසිදු කරදරයක් නොකරයි . තමාගේ නිවසේදී පවා නිදහසේ ජිවත් වීමට නිතරම උත්සහා ගනියි . අවට ලෝකයේ සිදුවන කිසිවක් පිළිබද දැනුමක්ද නොමැති විය හැකියි . ඉහත ලක්ෂණ අදාළ තැනැත්තන්ට ආවේණික පෞරුෂ ලක්ෂණයයි . ඉතා හොදින් සමාජ ජිවිතයක් ගත කළ අයෙක් එක් වරම සමාජයෙන් දුරස් වීම ,තනිවීමට උත්සහා ගැනීම වඩා විශේෂිත තත්ත්වයකි .
කුඩා දරුවන් තනි වෙන්න උත්සාහ ගන්නවාද ?
කුඩා දරුවන් සමාජයෙන් වෙන් වී තනිව සිටිමට උත්සාහ ගන්නා අවස්ථා අප ඕනෑ තරම් දැක තිබෙනවා . එවිට ඔවුන් කථා නොකරයි . එක පැත්තක් බලාගෙන සිටින අතර මුහුණේ ඉරියව් වෙනස්ව පවතියි . කොපමණ ප්‍රශ්න කළත් උත්තර නොදෙයි . සමහර දරුවන් තමන්ගේ මනසට දැඩි පීඩනයක් දුකක් වේදනාවක් අපේක්ෂාභංගත්වයක් ඇති වූ විටදී මෙවන් තත්ත්වයක් පෙන්නුම් කරයි . ආදරය අඩුවීම , අවධානය අඩුවීම , කොන් කිරීම , හිතට කණගාටුවක් ඇති වීම ,තම මූලික අවශ්‍යතා නොලැබීම ,තමාගේ ප්‍රියයන්ගෙන් වෙන් වීම (යහළුවන් ,නෑදෑයන් ,දෙමව්පියන් ) වැනි සාධක මෙවන් හැසිරීමක් සදහා බලපාන ප්‍රධානතම සාධකයි . තමාට ඇතිවන ශාරීරික අපහසුතා ,දුබලතාවන් වගේම ලෙඩ රෝග නිසා දරුවන්ට ඇතිවන මානසික ආතතිමය තත්ත්වය ද දරුවකු සමාජයෙන් කොන් වී ගත කිරීමට හේතු විය හැකියි .
තමන් බලාපොරොත්තු වන දේ ලබා නොදීම හෝ ලබා ගැනීමට නොහැකි වීම දරුවන් මෙලෙස හදිස්සියේම තනි වී සිටීමට හේතු වේ . ඒ වගේම අනෙකුත් දරුවන්ට හිමි තවත් සමහර දේවල් තමාට නොලැබීමෙන් දරුවකු අපේක්ෂා භංගත්වයට පත්විය හැකියි .
බිය නිසාත් දරුවන් තනිවීමට උත්සහා කරනවාද ?
සමහර දරුවන් විවිධ දේ සදහා බියවීම නිසා තනි වි ජීවිතය ගත කරයි . පුද්ගලයන්ට ,සතුන්ට , ස්ථාන හා ක්‍රියාවලි සදහා පවත්නා වූ විවිධාකාර මෙන්ම අස්වාභාවික බිය මේ සදහා හේතු වේ . මෙම මානසික රෝගී තත්ත්වය Phobia ලෙස හැදින්වේ . මෙවැනි තත්ත්වයන් තුළ ජිවත්වන දරුවකු තුළ ඉහත සදහන් කළ ආකාරයේ වෙනස්කම් රාශියක් පවතින අතර ඔවුන්ට අදාළ ප්‍රතිකාර නිසි පරිදි ලබාදීමද ඉතා වැදගත් .
Comments
Post a Comment